السبت، يناير 07، 2012

قررت هقلب راجل .....أنا حرررررررررررره



ده دا قرار نهائي 


أيه يعنى عشت 37 سنة بنت ؟؟؟؟؟؟؟؟؟؟؟؟؟؟؟؟؟ 
أغير بقى وانا داخله بتؤده على الأربعين 

نويت والنية لله اروح لدكتورو أطلب بقى راجل ........................لازم أبقى راجل 


تعبت بجد 


هبقى شاب والراجل في 37 بيبقى مز أخر عشروميت حاجه 
وبعد مبقى راجل ؟



هدور على عروسه وهتششششششششششششششششششرط 

لا هوافق ب 
التخينة 
ولا القصيرة 
ولا الوحشة اوى 
ولا السمرا 


مش هنقى ألا الشقرا أه منا راجل 

وتكون غنية 

وطبعا لانهم كتير في السوق والفلوس في جيبي كراجل 


بأه 


هنقى وأختار واتأمر 
ووأنا مختار فعلا هدور تاني ...........إيه ما أنا قلت السوق مليان والفلوس في جيبي أو لو مفيش فلوس 
بيرضوا بقليلهم 
أنما أختار اللى ترضي رجولتي (على أعتبار أن دى رجولة وكدا)

بالنسبة بقى للى خطلبتها أو لسه بتفق مع أهلها ..........همرمطها 

هي هتاخد أسمي بالساهل والا إيه ؟

لازم اكمل عليها 
مينفعش تبقى الدنيا بس عليها لا اوانا كمان 


براااااااااااااااااحتى أنا إييييييييييييييه ؟ راجل
أكلمها بكيفي


متكلمنيش بمزاجها 

طز في مشاعرها 

إيه هي هتتعدى حدودها والا إيه ؟

ولو فتحت بقها قدامى ليلتها سوده 
وهديها أوامري وعارف أنها هتسمع كلامى 

هخليها تخلصلي 

وانا برحتى 


أطير من شجره لشجره 
واعمل هنا عش واعمل هنا خن 

برحتى منا راجل


باه 


واروحلها مكشر 
وانعل أبو خاشها ان سألتنى مالك يا حبيبي؟


حبيبها دا أيه هتاخد عليا؟ 



ومش هجيبلها حاجه تفرحها 

فيه كتير يتمنوني أنا مز
هى متعرفش ان انا عليا طلب كتير والا إيه ؟


وهمنع حد يكلمها 
وان ضبطها على الفيس بتكلم حد هتبقى ليلتها سودا ............عادي زى كل لياليها

و هقفل موبيلي فوشها 


عندى سوسو وتوتو هيتنحنحولي وكدا وهروق 
بناقصها يومين أريح

انما هى بنت ال.........................عنها ما فكت عن نفسها أو حكت لي مالها أو فضفضت معايا
تنام مبطوطه من العياط 

مش قضيتي تغور
ويالهوى لو تخنت كيلو 


هسود عيشتها 



والا لو ملبستش ليا اللى على كيفي 
هنكد عليها

واما اخرج معاها وتعجبنى غيرها 

أنا حر
لها حق تنطق؟ 


بالجزمة 



أنا هططططططططططططططططططططططططططططططططططططططططططططق 


يخربيت الذكور في مجتمعنا 


وكلهم بيتأمروا علينا 

والشريفه عندهم ملهاش مكان انما اللى تتنحنح عليهم تبقى أيه لها كل حاجه 


أنا كارهه الجواز 
واللى عاوزينه 


ليه كسر الخاطر  

هى الخلقة دى بأيد الواحدة ؟ 


ليه الرجل فاكر إن بقدومه الميمون لأى بنت بيبقى عمل أعجاز علمي ملوش حل ولازم يتسبح بحمده ليل نهار؟
مهى هتكون سبب إعفافه 

طبعا على اعتبار أنه هيبطل علاقات 

وربما تكون ام عياله 

الخلاصه هياخد بنت من أم وأب ربوها وتعبوا عليها من حقهم ما يشوفوش دموعها والا إيييييييييييييييييييييه
شكيت لله 
حسبى الله ونعم الوكيل

هناك 5 تعليقات:

nor يقول...

مين يجول راجل أنتي !!!
اومال مين رمز الانوثه؟
يا بنتي الحل ان ربنا يرزقك براجل بمعني الكلمه ان شاء الله
بي بوست رائع وضحكني كتير علي الرغم من وجود الالم في كل اركانه

بـت خـيـخـة وأي كـلام يقول...

بصي انا اتمنيت
انى اكون حاجات كتير جداااااا

لكن عمري يا نوووج ماتمنيت انى اكون راجل ابداااااااااا

رغم ان صحابي كتير يفتكروا ان نفسي اكون راجل

لكت لما يقولولى كدة اقولهم اناااااا ؟ انا ابقى راجل ؟
ليه ؟

عمرى ماحسيت ان الرجولة دى حاجة كويسة

اصل حتى لو الواحد بقى راجل بجد يعنى راجل كويس

هايبقى انسان مسؤل جداااا وعليه اعباء اكتر من الست

ده لو بنتكلم عن الراجل الراجل

وانا مبحبش اكون انسانة مسؤلة

احب انا اللى اختار مسؤلياتى مبحبهاش تفرض عليا

لكن الراجل اللي بجد بتفرض عليه مسؤليات لمجرد كونه ذكر

فبالتالى فى الحالتين
لو هبقى راجل كويس هيكون عليا مسؤليات كتيرة

ولو هبقى راجل وسخ هكون شخصية مكروهة من المجتمع


لكن انا طول عمرى شايفة ان كونى انثى
دي حاجة انا مفتخرة بيها

ممكن اكون اتمنيت انى اكون راجل علشان حاجة واحدة بس
انى اشتغل اى شغلانة

لان انا وانا ست مش بعرف اشتغل اى حاجة علشان برستيجى كانثى


لكن لو راجل ممكن اشتغل اى حاجة ومش هتفرق معايا نظرة المجتمع
يعنى ممكن اشتغل
بائع جرائد
فى محل فول
كاشير فى سوبر ماركت
عامل نضافة فى ماكدونالدز
سواق عربية نقل
عامل بناء

كنت هاشتغل اى حاااااااااااجة ومش هيفرق معايا برستيجى

لكن للاسف انا مش عارفة اعمل ده وانا ست
ومش لاقية شغل

هو ده ممكن السبب الوحيد اللى ممكن يخلينى اعوز اقلب راجل


اما بالنسبة لموضوع الجواز

لازم تعرفى انك لو حتى قلبتى راجل هتتعاملى باخلاقك انتى
يعنى لو انتى من جواكى شايفة ان الجمال جمال الشكل يبقى لما تبقى راجل هتتعاملى على الاساس ده
اما لو انتى مقتنعة ان الجمال جمال الروح يبقى حتى لما تبقى راجل مش هيهمك المظاهر والشعر الاصفر والكلام الفارغ ده

لو انتى من جواكى عارفة واجباتك كانثى يبقى لما تقلبى راجل هتبقى عارفة واجباتك برضه وهتعرفى حقوق الغير عليكى ومش هتتعديها ولا هتاكلى حق حد

لو انتى مخلصة هتفضلى مخلصة
ولو انتى عنيكي زايغة يبقى هتبقى راجل عينه زايغة
و هكذا دواليك قيسى على كل حاجة

وفى النهاية كل اللى هاقلهولك
خدى بالك من اللى بتتمنيه ... لان ممكن تبقى مصيبة لو حصلتى عليه

سلام

اختك خيخة

NAGWA يقول...

حبيباتى نور وخيخة

تجربة العرسان دا مشروع فاشل
تحيا العنوسه لو الجواز تمنه نفسيتنا
بحبكم

mohamed amer يقول...

بس قبل ما تقلبي لازم تبقي محضره نفسك علي النكد والشغل وطلبات العيال وهات دي وودي دي , ورايح فين وجاي منين ....يوووووووووووه ده انتي حتتبهدلي

بس في الاخر الراجل او الست عندهم عيوب , والكويس كويس سواء كان راجل اوست

NAGWA يقول...

معاك في رأيك كل حد فيهم له عيوبه
لكن الراجل اللى بتامر وماشي بنظرية الحمير في السوق والفلوس في جيبي بشششششششششششششششششششششششششششششششع

وان كان ع المسئولية شايلنها طول عمرنا مش هيجد جديد
شكرا لذوقك