الأحد، يونيو 17، 2012

سطر منسي

في دفتر قديم منسي
سكن سطر وحيد بين السطور المليانة
كانت الكتابة عليه منشورة
والحروف تقيلة
والكلمات مبتورة

هنا نقط منثورة
وهنا حرف واقع نزل عن السطر
وهناك نقطة حبر لحرف في كلمة متكتبتش
وعلى جنب اثر لكلمة بالرصاص اتمسحت .....بس محفورة

السطر محتار بين الفوضى دي وبين وحدته

لكنه صامت

يعمل إيه بين أساه من حروف مكتوبة ومش مكتوبة
وبين انتظاره لكلمة واحدة تنكتب بالحبر ............من قلم واثق من نفسه

واللي فاضل من كل دا ........إنه هيفضل سطر وحيد ساكن في دفتر منسي

ليست هناك تعليقات: